På årsmøte i Ulvik sogelag 7. april vart tilrådinga frå styret om å bli med i Hordaland sogelag samrøystes godkjent. Det er eit aktivt lag som no blir med og som har stor oppslutnad frå innbyggjarane i kommunen. Innbyggjartalet i Ulvik kommune står oppført med 1051 personar i 2022, og av desse er 145 medlemmer i sogelaget. Velkomne skal de væra!
Årsmøte og lokalhistoriske dagar 2022.
Oppmøte i Granvin
Oppmøte for deltakarane var i det vakre ungdomshuset til Granvin som har det karakteristiske tårnet som fleire ungdomshus hadde då dei vart bygde i 30 åra i fleire av bygdene innover hardangerfjorden. Granvin ungdomshus var ferdig i 1930 og var bygd på dugnad av bygdefolket, fortalde leiar i Granvin Sogelag Gunnar I. Folkedal. Han viste fram ungdomslagsfana som kunstnaren Nils Bergslien måla og som vart gøymt bort i siste liten før tyskarane okkuperte huset under siste verdskrigen.
Kultur- og Miljøplan for Voss herad
Trude Letnes kulturleiar i Voss herad informerte og viste fram kultur og miljøplanen til Voss herad. Voss herad omfattar no til saman 4 sogelag etter kommune reforma i 2020.
Etter matøkt på den gamle gjestgjevarstaden Janusen som har ein meir en 300 år historie som serveringsstad, gjekk turen til Granvin Bygdemuseum ein steinkast på andre side av hovudvegen gjennom Granvin sentrum.
Bygdemuseet i Granvin
Hardingfelespelar Alexander Aga Røynstrand som er styrer for bygdemuseet, fortalte om bygningane og framførte også vakker hardingfele slåttar for gjestene. Alexander som er ein av dei fremste utøvarane på Hardingfele i landet bur også på staden og er også aktiv i lokalpolitikken i Voss herad.
Etter synfaringa på bygdatunet, gjekk ferda til Heradshuset i Ulvik der forsamlinga vart hjartelag vel møtt til kaffipause i heradstyresalen. Leiaren i Ulvik Sogelag Torbjørn Dyrvik fortalde om hendingar under 2. verdkrigen der meir en 50 hus i Ulvik bygda vart øydelagde i kampane mellom tyske og norske soldatar 25. april 1940.
Olav H. Hauge senteret.
Heradshuset inneheld også Olav H. Hauge senteret der det vart omvising før turen gjekk over hardangerbrua til Vøringsfoss hotel for festleg samvær og overnatting.
Etter frukost sundag vart årsmøte gjennomført i rolege former. Bremnes sogelag vart innleiingsvis ynskt velkomne som nytt medlem av Hordaland sogelag.
Årsmøte
Knut Farestveit vart avløyst som leiar etter eige ynskje og ny lear i Hordaland Sogelag vart Anne Liv Soldal. Elles vart det attval på alle andre tillitsvalde. Økonomisk er stoda tilfredsstillande for laget, men framleis får ikkje laget tilskott frå Vestland fylke slik det gjorde i gamle Hordaland fylke. Dette vil det nye styret arbeida vidare med å få på plass.
Nils Bergslien.
Galeriet til multikunstnaren Nils Bergslien er også ein del av hotel bygget og det vart tid for ein omvising i dei lyse og vene lokala.
Eidfjord gamle kyrkje.
Etter årsmøte var det synfaring i gamle Eidfjord steinkyrkje som vart bygd i 1309. Ifølgje soga vart kyrkja bygd av Rike-Ragna Åsoldotter som son offer for syndige handlingar i livet.
Rike -Ragna budde på garden Sæ i Simadalen, nordaust for Eidfjord. Soga fortel at ho var ute og rodde på fjorden med manne sin og dei krangla så fælt at ho sette han av på eit skjær til ho fann det for godt å ro ut og henta han. Mannen stakkar omkom ved flo sjø, og Ragna bygde kyrkja som bot for å ha skulda for mannen sin død. Hennar store gravstein med bilete av apostelen Jakob som kyrkja er vigd til, står framme i kyrkja til side for alteret.
Under alteret står 7 kister, og ei av dei er kista til Anders Andersen Riber, fyrste protestantiske prest som var sendt av danskekongen for å reformera den katolske kyrkjelyden. Han gifta seg med Katarina Helvig Galtung og har mange etterkomarar i Hardanger og i Sunnhordland.
Biografi.
Anders Andersen Riber (ca. 1627-1688) var rundt 20 år gammel da han ble innskrreven i 1647 ved Københavns Universitet i Danmark, frå Ribe katedralskule. På latin vart han omtala, «Andreas Andreas Rincopius» på sin inskripsjon. Landsarkivet for Nørrejylland seier at han derfor trulig er født i den vesle byen Ringkøbing på austkysten av Jylland. Ifølgje Mandrup Hjeltnaes var Anders Andersen Riber frå Jylland, Danmark, biskop i Eidfjord prestegjeld i Hardanger der han ble ordinert 21. august 1656. Han blei buande der til han døyde på langfredag i 1688. Han gifta seg med Katarina Helvik Lauritsdatter Galtung, dotter av Lauitz Johannesson Galtung fra Thorsnes. Katarina ble født i 1635 og døyde i Eidfjord i 1693 i en alder av 58 1/4 år.
Her følgjer ein del bilete frå årsmøtesamlinga.
Styre 2022. Frå vestre Sigmund Simennes, John Einarsen, Knut Farestveit Anne Liv Soldal,
Mikal Heldal.
Alexander Røynstrand spelar hardigfele etter matøkta på laurdagen.
Avtroppande leiar i Hordaland sogelag takkar leiar i Granvin sogelag for eit vellukka årsmøte.
Under alteret i Eidfjord gamle kyrkje står kista til Anders Andersen Riber.
Eit karakteristisk bilete måla av Nils Bergslien.
Rike-Ragna Åsolsdotter sin gravstein står ved alteret i kyrkja.
Styre og tillitsvalde på årsmøte i 2022.
Leiar: Anne Liv Soldal
Postadresse
Hovlandsvegen 12,
5610 Øustese
E-postadresse:annelivsol@gmail.com
Mobil 41648198
Kasserar: John Einarsen
Stemmebakken 21, 5360 Kolltveit. Telf 56331886, mobil 92098950
e.post: john@sartorholding.no
Mobil:
Redaktør Kaare M. Malkenes,
Vågsneset 2,
5680 Tysnes,
Mobil 41012626
e-postadresse: kaaremalkenes@hotmail.com
Styre i 2022.
Anne Liv Soldal, leiar
Mikal Heldal, nestleiar ( på val i 2023)
John Einarsen, kasserar ( på val i 2023)
Ågot Gammersvik, skrivar( attaval 2 år)
e-postadresse: aagot.gammersvik@gmail.com
Knut Farestveit, styremedlem 2 år
Sigurd Simmenes, 1. varamedlem (attval)
Kjell Inge Alvheim, 2. varamedlem (attval)
Valnemnda:
Aslaug Olden Mala ( valt for 3 år i 2022)
Torbjørn Dall -Larsen (attval for 3 år)
Revisorar:
Harald Lindevik ( attval for 2 år)
Enride Aakre ( på val 2023)
JOLEHELSING
Eit år utanom dei vanlege nærmar seg slutten.
Etter at årsmøtet og dei lokalhistoriske dagane fyrst måtte utsetjast pga. pandemien, vart tilskipinga halden i oktober. Stord sogelag stod for ei framifrå tilskiping. Laurdagen møtte me på Litlabø. Etter eit måltid fekk me orientering om gruvedrifta og Liltabøsamfunnet. Me fekk og koma inn i gruva. Om kvelden var det festmiddag og kulturelle innslag på Stord hotell.
Etter frukost sundag vart årsmøtet halde på hotellet. Deretter møtte me på høgskulen på Rommetveit. Der var det omvising. Etter ei lokalhistorisk vandring, var det orientering om skulen, tidlegare Stord lærarskule, si soge. Til slutt var det eit måltid på skulen. Takk til Lars Mæland og Kjellbjørg Lunde i Stord sogelag for trivelege og lærerike dagar!
Pga. pandemien vart det ikkje gjennomført studietur eller kurs for lokallagsmedlemene i 2021.
Me er i gang med planlegging av årsmøte og lokalhistoriske dagar i 2022, og har sett av 26.-27. mars. Leiaren i Granvin sogelag (og i Hardanger historielag), Gunnar I. Folkedal, har hatt kontakt med sogelaga i Ulvik og Eidfjord med tanke på ei tilskiping i indre Hardanger. Det er planar om overnatting på Vøringsfoss hotell i Eidfjord. Då pandemien har slått til att no før jol, må me venta til over nyttår, ev. til februar, før me veit om opplegget kan gjennomførast i mars.
Me vonar og at det planlagde kurset i konservering og oppbevaring av gjenstandar kan haldast i 2022.
Takk for samarbeidet i 2021!
Me ynskjer alle ei god jol og eit godt nytt år!
Helsing
Hordaland sogelag
Knut Farestveit, leiar
Måleri av Littlabø gruveby.
29 deltakarar frå dei 34 laga som omfattar medlemslag i Hordaland sogelag var samla til årsmøte og lokalhistoriske dagar på Stord.
Leiar i Hordaland Sogelag Knut Farestveit ynskte vel møtt og gav ordet til leiar i Stord sogelag Kjelbjørg Lunde som orienterte om dagens program. Oppmøte var i Heishuset til gruvemuseet på Litlabø der det var servert varm suppe og rundstykke. Velkommen til Stord, helsing vart også framført av ordføraren i Stord Gaute Epland som orienterte stoda og framtidsplanane for omstilling til «grøn» industri og verksemd i den mektige kystkommunen.
Ivar Helleland fortalde levande om oppveksten på Litlabø og saman med Torbjørn Marthinsen orienterte dei båe om gruveanlegget som vart opna i 1907, før alle fekk utdelt hjelmar før ferda med gruvetog inn i den kolsvarte gruvegongane.
Etter omvisinga i gruva vert det servert kaffi og heimabakt kringle før omvising i dei ymse bygningane som omfattar gruvemuseet, både det stilige administrasjonsbygget som også husar husflid laget og arbeider- og formanns bustadane.
Festmiddag på Stord Hotel var laurdagskvelden med Kjellbjørg Lunde som festleiar.
Etter matøkta vart det lokalt kulturinnslag med trubaduren Atle Hansen som framførte både kjente og eigen komponerte viser i spekka muntre soger til lott og løye.
Årsmøte vart avvikla i rolege former sundag 17. oktober.
Etter handsaming av årsmelding og rekneskap vart det gjennomført val av leiar og styre. Det vart attval på alle i det sitjande styre.
Årsmøte vedtok å leggja til eit nytt punkt på Handlingsplanen om å oppmoda fleire sogelag å melda seg inn i Hordaland sogelag (HS).
Etter opprettinga av Vestland fylke har HS ikkje mottatt tilskott frå fylket som i tidlegare år. Styret vil kontakta Vestland fylke om dette.
Årsmøte uttalte at ein tek sikte på å gjennomføra årsmøte for 2022 i mars /april neste år.
Styret vurderer om ein skal skipa studietur til Isle of Man neste år.
Etter årsmøte gjekk turen til Høgskulen på Rommetveit der det vart fortalt om samt omvising på det mektige skuleanlegget gjennom 182 år. Ei interessant vandring gjennom høgskuleanlegget vart det med Nils Tore Gram Økland som synte stor kunnskap om dei ymse bygningane og om sentrale føregangsmenneske ved skulen som har røter attende til 1839. En spasertur gjennom det unike og vakre parkanlegget vart ein fin sundagstur med stopp med nausttufta frå leidangtida og ein merka og freda gravhaug . Den velstelte hagen og grøntanlegget og bygningane held Statsbygg ved like. Det meste av det unike anlegget er freda av Riksantikvaren.
Sundagen vart avslutta med ny matøkt i hovudbygget, der avdelingsleiar for kommunikasjon Svein Ove Eikenes orienterte om planane ved høgskulen og tankar om nye år med lærarutdanning m.m. på Stord.
Vedlagt følgjer diverse bilete frå samkoma på Stord.
Leiar i Stord Sogelag Kjellbjørg Lunde
Ordførar i Stord Gaute Epland
Det vesle motoriserte toget fraktar besøkande inn til synfaring i kiselgruva.
I heishuset vart det bordsete og orientering om gruveanlegget.
Biletsamlinga av sentrale personar og aktiviterar gjennom tidene på Littlabø gruver.
Eit gamalt og velbrukt «utedo» for trengjande gruverbeidarar.
Eit av fleire eldre velbevarte skulehus på høgskuleområde på Rommetveit.
Det idyliske parkanlegget i høgskuleområde.
Dette staselege bygget er gymsalen på høgskulen.
Frå årsmøte der styre i Hordaland sogelag sit samla i høgsete.
Som meldt tidlegare, måtte årsmøtet i Hordaland sogelag 2021 utsetjast på ubestemt tid pga. pandemien. Styret i regionlaget kjem attende med informasjon om årsmøtet seinare. Årsmøte og lokalhistoriske dagar skulle vorte haldne på Stord i mars.
Landslaget i lokalhistorie skal halda digitalt landsmøte laurdag 12. juni 2021. Det er det 43. ordinære årsmøtet.
Hordaland sogelag kan senda sju utsendingar til landsmøtet. Dersom det er mogeleg ut frå omsynet til smittevernet, oppmodar landslaget regionlaga til å finna ein stad der utsendingane kan samlast lokalt. Dette må me koma attende til når me nærmar oss juni.
Lokallag som har framlegg til utsendingar til det digitale landsmøtet, sender framlegg på kandidatar til regionsstyret v/Knut Farestveit (knut.o.farestveit@gmail.com) innan 15. mai 2021.
Program og saksdokument til landsmøtet vert lagt ut på landslaget sine nettsider under Organisasjon – Landsmøter – 2021.
Med helsing
Hordaland sogelag
Knut Farestveit
leiar
Lenkje til FB sida til Landslaget for lokalhistorie
(3) Landslaget for lokalhistorie | Facebook
Året 2020 vert nok hugsa som det året då det meste vart annleis. Vi får håpa at det nye året gjev von om lysare tider både for land og folk.
GOD JUL & GODT NYTTÅR.
Her fylgjer julebrevet frå leiar i Hordaland sogelag Knut Farestveit.
Årsmøte og lokalhistoriske dagar 2021
Programmet for årsmøte er no klårt. Det vert framøte på Litlabø laurdag 16. oktober kl. 12.
Endeleg program for årsmøte på Stord 16. og 17. oktober. Sjå vedlegg.
Med helsing
Hordaland sogelag
Knut Farestveit
leiar
Du kan lesa om Høgskulen ved å vitja facebooksida
https://www.facebook.com/hvl.no
Her finn du lenkja til Gruvemuseet på Litlabø
Her finn du referat frå årsmøte.
Kurs i preparering og katalogisering av gjenstandar
Kurset blir utsett til seinare i haust.