Skribentarkiv: I. Gammersvik

Referat frå styremøte i Hordaland Sogelag 1/2026

Lagt ut av

Tid: Torsdag 29. januar 2026 kl. 13.00- 15.30
Stad: Bergen off. bibliotek
Til stades: Kjell Alvheim, Sigmund Simmenes, Knut Farestveit og Ågot Gammersvik. Geir Kleiveland, frå Osterøy sogelag, var invitert som gjest og deltok under sak 4.
Meldt forfall: Anne Liv Soldal, Nils Arne Ekerhovd og Gunnar Strand.

Saksliste:
1/26 Godkjenning av innkalling
Vedtak: Innkallinga vart godkjend.
2/26 Godkjenning av referat frå styremøte 26.10.2025
Vedtak: Referatet vart godkjend.

3/26 Planlegging av årsmøtet 2026
a. I tråd med vedtektene skal årsmøtet haldast innan utgangen av april kvart år.
Vedtak: Dato for årsmøtet vart sett til: Fjordslottet søndag 12. april kl. 9.30-11.00.

b. Utsendingsfristar for innkalling til årsmøtet er minst 3 veker.
Vedtak: Dato for utsending sett til fredag 20. mars.

c. Årsmelding skal sendast ut saman med innkalling.
Vedtak: Styreleiar Kjell Alvheim lagar framlegg til årsmelding som handsamast innan neste styremøte.

d. Rekneskap for 2025 og budsjett for 2026 skal sendast ut saman med innkalling.
Vedtak: Kasserar Anne Liv Soldal lagar framlegg til revidert rekneskap og budsjett til neste styremøte.

e. Valnemnd: Torbjørn Dall Larsen, Jan Egil Mandelid og Linda Dale Matre vart vald til valnemnd.

f. Det skal veljast styreleiar for 1 år. Dessutan er Sigmund Simmenes og Ågot Gammersvik på val. I tillegg skal det veljast to revisorar.
Vedtak: Sigmund Simmenes gir melding til nemnda om å starta arbeidet.

g. Innkomne saker til årsmøtet skal vera styret i hende innan 14 dagar før årsmøtet (seinast 30.mars).

h. Kontingent for 2026 skal handsamast av styret på neste styremøte, etter forslag frå kasserar.

i. Handlingsplan for 2026 må handsamast av styret på neste styremøte, og sendast ut saman med innkalling til årsmøtet.

j. Framlegg til valnemnd skal leggjast fram av styret.

k. Framlegg til endring av vedtekter må handsamast på neste styremøte, og sendast ut saman med innkalling til årsmøtet.
Vedtak: Framlegg om endring av vedtekter vert førebudd av Sigmund Simmenes.

4/26 Lokalhistoriske dagar 11.-12. april 2026, Osterøy sogelag og Vaksdal historielag
Framlegg til program:

Laurdag 11. april:
Kl. 11.00 Oppmøte Dale Fabrikker, kantina eller Elvahuset
Mottak ved ordførar og Vaksdal historielag
Lunsj
Kl. 13.30 Omvising i Skipshelleren, dragebryggja, Straumshovet laksegilje, bygdemuseet mv.
Kl. 18.00 Ankomst Fjordslottet hotell, Fotlandsvåg
Kl. 19.00 Middag

Søndag 12. april:
Kl. 08-09 Frokost og utsjekk Fjordslottet
Kl. 09.30 Årsmøte Hordaland sogelag
Kl. 11.45 Hamre kyrkje, omvisning. Bill: kr.40.
Kl. 13.15 Valestrand med garveriet mv
Kl. 14.00 Ankomst Gjerstad, kaffepause, orientering.
Kl. 15.00 Ankomst Havråtunet
Kl. 16.30 Avslutning i Havråtunet

Vedtak: Osterøy sogelag og Vaksdal historielag arbeider vidare
med programmet, før invitasjon vert sendt alle lokallaga.

5/26 Heimeside
Heimesida vert fulgt opp jamleg, og referat vert lagt ut. Ønskjer å leggja inn meir info om styret, mobil og e-post. Ny teknisk kontakt: Ingah S. Gammersvik, som følgjer opp
jamleg. Informasjon vert samla under tydelege emneboksar og gjer det enklare å finna fram.
Vedtak; Styret ser positivt på utvikling av heimesida. Neste styremøte må vurdera honorar for 2026.

6/26 Evt. andre saker:
a) Neste styremøte: måndag 16. mars kl 13.00 -15.00, på Bergen offentlege bibliotek. Her skal handsamast saker til årsmøtet.

b) Knut Farestveit orienterte om styremøtet i Landslaget, 21-22.januar i Trondheim. Det vert arbeidd med ny historielag-portal der alle regionlag og lokallag i Norge kan leggja inn opplysningar om sitt lag. Knut møter no fast i styret, då representanten Jan Kr. Hognestad er sjukemeld. Landslaget ynskjer å få orientering om vårt årsmøte, og stiller gjerne om dei har høve til det.
Vedtak: Saka vart tatt til orientering.

c) Kjell Alvheim la fram brev frå Voss Naturvernlag om bygging av stølsveg på gamal kløvveg.
Vedtak: Saka vart tatt til orientering.

Askøy 29.01.2026
Ågot Gammersvik, ref.

Julehelsing 2025

Lagt ut av

Gode medlemmer i Hordaland sogelag!

Vi takkar for godt arbeid og samarbeid i året som snart er omme!

Vi kan sjå tilbake på eit aktivt år i alle lokale sogelag, både med medlemsmøter,
innsamling av informasjon og foto, og produksjon av nye årbøker.
Dei mange fine årbøkene for 2025 er trykt, og vil snart finna vegen til postkassar over
heile fylket, ja faktisk til heile landet og til utlandet med. Årbøkene vert såleis gilde
gåver under mange juletre også i år!

Lokalhistoriske dagar var i år på Tysnes og Fitjar, arrangert av dei lokale sogelaga.
Årsmøtet for Hordaland sogelag vart halde på Fitjar kultur- og idrettshus. Det var
dagar med fint vårvær og særs vellukka arrangement, med stor takk til sogelaga på
Tysnes og Fitjar. I april neste år er det planlagt årsmøte og lokalhistoriske dagar med
studietur til Vaksdal og Osterøy, med Vaksdal sogelag og Osterøy sogelag som
vertskap. Det er berre å gleda seg. Heimesida vil gje informasjon om vidare program
for Lokalhistoriske dagar 2026.

I oktober arrangerte vi eit særs vellukka redaksjons- og skrivekurs for medlemmer i
lokallaga på Grand Hotel Terminus i Bergen, med Ottar Grepstad som kursleiar.
Kursleiaren og deltakarane delte røynsler og diskuterte handfaste problemstillingar,
som truleg vil visa att i framtidig produksjon av årbøker.
Vi ynskjer alle ei retteleg god julehøgtid og alt godt for komande år!

Beste helsing frå
styret i Hordaland sogelag
🎄

Referat frå styremøte i Hordaland sogelag 5/2025

Lagt ut av

Stad: Grand Hotell Terminus, Bergen

Tid: 26. oktober kl 09.00 – 10.00

Til stades: Kjell Alvheim, Sigmund Simmenes, Knut Farestveit, Anne Liv Soldal, Ågot Gammersvik og Gunnar Strand. Forfall: Nils Arne Ekerhovd

Sakliste:

  1. Program for kursdagen
    Styret gjekk gjennom program for dagen.
    Anne Liv Soldal orienterte om god kontakt med hotellet, og tinging av rom.
    Styret hadde synfaring av areale.
    Vedtak: Styret konstaterte at møterom, grupperom og lunsjrom på Grand
    Hotell Terminus vil fungera bra.
  2. Fordeling av oppgåver
    Anne Liv Soldal og Ågot Gammersvik tar imot kursdeltakarane i resepsjonen,
    og viser dei til kurslokala. Deltakarane vert registrerte etter som dei kjem
    Styreleiar Kjell Alvheim og nestleiar Sigmund Simmenes tek imot deltakarane i
    møtelokalet og viser dei til servering av kaffi, kaker og frukt.
    Vedtak: Som avtalt.
  3. Gjennomføring av skrivekurs
    Styreleiar ynskjer velkommen, og takkar kursleiar Ottar Grepstad med
    overlevering av bokgåve etter fullført kurs.
    Ågot Gammersvik viser arbeidsgruppene til dei ulike grupperom.
    Vedtak: Som avtalt.
  4. Eventuelt
    a. Neste styremøte bør avtalast for slutten av januar 2026
    Vedtak: Nytt styremøte i slutten av januar vert halde på Bergen offentlege
    bibliotek. Ågot syter for tinging av møterom og gir tilbakemelding om dato.
    b. Framlegg til julebrev til lokallaga vert laga av Ågot Gammersvik sendt
    styremedlemmene for kommentarar. Julebrev vert sendt på e-post til lokallaga
    og lagt ut på vår internettside.

Ågot Gammersvik
26.10.2025, Ref.

Rapport fra Hordaland sogelag sitt skrivekurs

Lagt ut av

av Knut Farestveit, styremedlem

Den 26. oktober 2025 hadde Hordaland sogelag eit dagskurs i skriving av artiklar til
årbøker. Kurset vart halde på Grand Hotell Terminus i Bergen med Ottar Grepstad
som kurshaldar. Grepstad er busett i Volda, og er forfattar og språk- og litteraturvitar. 
På kurset var det deltakarar frå 14 av lokallaga i Hordaland; Askøy, Fjell, Granvin,
Kvam. Laksevåg, Memoar, Moster, Samnanger, Stord, Sund, Vaksdal, Vassvøri, Voss
og Øygarden. Elleve av desse laga gav ut årbøker i 2024. Mange lokallag som ikkje
var med på kurset, gjev og ut årbøker. Kurshaldaren gav ei vurdering av dei
årbøkene som dei elleve lokallaga hadde gjeve ut i 2024, og gjekk gjennom m.a.
bruk av ingressar, bilete og bilettekstar. 

På førehand hadde deltakarane fått tilsendt nokre årbok-artiklar til gjennomlesing.
Tekstane vart nytta til gruppearbeid der positive og negative sider ved artiklane vart
drøfta. Gruppene skulle vurdera artiklane etter visse kriterium som kurshaldaren
hadde gått gjennom før gruppearbeidet. Deretter la gruppene fram resultata sine i
plenum, og konklusjonane skulle grunngjevast.
Kurshaldaren gav deltakarane ein del reglar som han meinte måtte vera med for at
det skulle vera gode årbøker. Reglane vil vera til framifrå hjelp for artikkelforfattarar
og årbokredaktørar i arbeidet med seinare bokutgjevingar.