Skribentarkiv: Bent Sigmund Olsen

Julehelsing

Lagt ut av

Gode medlemmer i Hordaland sogelag!

Vi takkar for godt arbeid og samarbeid dette året!

Jula stundar til! Eit nytt år vil vonleg koma. Vi kan sjå tilbake på eit aktivt år i alle lokale sogelag med innsamling av informasjon, nye årbøker m.a. Lokalhistoriske dagar, i år på Stalheim, saman med årsmøtet for laget var høgdepunktet for oss. Vaksdal sogelag med Sigmund Simmenes var vertslag for studieturen «Osterøy til vanns». Svært vellukka. Fullasta (nestes overfylt) båt! Kanskje me bør opna opp for fleire med å tilby turen på nytt?! I mai neste år er det planlagt årsmøte og lokalhistoriske dagar og også studietur «Osterøy til lands», no med Osterøy sogelag som vertslag. Heimesida skal gje informasjon for den som vitjar henne.

Vi ynskjer alle ei retteleg god julehøgtid og alt godt for komande dagar!

Beste helsing frå

styret i Hordaland sogelag

Fjordtur med DS Oster – rundt Osterøya

Lagt ut av


Laurdag 17. august 2024
Ombordstiging frå Stanghelle kai kl. 10.00.
Turen varer til ca. kl. 18.00, ilandstiging Stanghelle.
Parkering i kai-området.

Turen vert guida av kjentsfolk.

Pris inkl. betasuppe: Vaksne 600 kr, born under 16 år 100 kr.
Høve til å kjøpa kaffi, vaflar, brus og is ombord.

Påmelding på bilettenesta Ticketco.

Turen er populær, så påmelding etter «først til mølla-prinsippet»!

Evt. meir info: Sigmund Simmenes, tlf. 97178471.
Arrangør: Vaksdal Historielag

Lagt inn i Tur

LOKALHISTORISKE DAGAR I SAMBAND MED ÅRSMØTET FOR 2024

Lagt ut av

Vossestrand sogelag var vert for årsmøtet og lokalhistoriske dagar i regi av Hordaland sogelag. 37 av dei påmelde frå 20 lokallag var samla på Stalheim hotell helga 11.-12. mai. Jorunn Gjøstein, leiar i Vossestrand sogelag, og kasserar i laget, hotellsjef Trygve Dugstad, tok imot oss etter kvart som me kom.

På romma venta ei hyggeleg overrasking, GÅVE! : Boka «Vossestrand, folk og landskap», ei rikt illustrert bok basert på norskamerikanaren Sivert P. Shelvik sine 32 dikt om heimbygda si. Her er alle garder på Vossestrand omskrive i ord og bilete.


Før matservering var det tid for å sjå den fine utsikta frå hotellet over Nærøydalen, Per Sivle sin fødested og garden Brekke der han vaks opp.

Ved bordseta, ein særdeles god lakserett med marengs-dessert, fekk vi god orientering av Jorunn Gjøstein. Ho fortalte om aktivitetane i Vossestrand sogelag: Fotosamling, lydopptak av eldre «beretninger», registrering av gamle ferdselsveger og arrangement av turer i området. Fotoregistrering vart fremheva. Her er det viktig å samla informasjon om bileta og registra kven som er avbilda. Slik vert det beste frå fortida sikra for fremtida.

Astrid Sudmann fortalde om Per Sivle, mora Susanna, født Ryum, og faren Erik Hansson Sivle som var ein av Noreg sine største hestehandlarar. Susanna fødte 3 tvillingpar, men berre Per vaks opp. Ho døydde i barselseng i 1859 då Per var 2 1⁄2 år gamal. Før skulestart flytta Per til garden Brekke. Der vaks han opp som forsterson. Brekke ligg like ved garden Sivle der faren var frå. Per er gravlagd i Drammen der faren hadde heimen sin i store deler av livet.

Håvard Skattum helsa frå Voss herad og takka for det viktige arbeidet laget har gjort ved registrering av bilete, stadnamn og historiar.


Trygve Dugstad tok oss med på omvising på Stalheim folkemuseum/Tønnebergsamlingane som ligg like ved hotellet. Dette er eit av dei største folkemuseuma i privat eiga. Her vart vi gjort kjende med ei rekke gamle bygningar, ei imponerande og innhaldsrik utstilling av gjenstandar og Lekve-huset, eit herskapshus frå 1725. Hotelleiger Kaare Tønneberg bygde opp dette museumet for å vise livet for vossingar og strandingar dei siste 2-300 åra. Søk gjerne informasjon på nettsida til museumet.

Vel tilbake på hotellet hadde Trygve Dugstad eit foredrag om historien til Stalheim hotell. Her tok han utgangspunkt i den auka interessa for norsk kultur og natur som starta i 1814. Fleire målarkunstnarar stod sentralt i denne rørsla. Her var det ei oppbygging av nasjonalkjensla. Det kom turistar sjøvegen til Gudvangen. Dei fekk skyss med hest og kjerre mot Voss. Etter råd frå reiseførar Scarlett frå Cooks reisebyrå i London starta Johan Andersen eit lite hotell på Stalheim i 1885. I dag er det det 4. hotellet som står på Stalheim. 3 ganger har hotellet brunne ned, sist i 1959 då 24 hotellgjester mista livet.

Om kvelden var det festmiddag med foredrag om Per Sivle og underhaldning.

Etter ein god frukost sundagen, opna leier for Hordaland sogelag, Anne Liv Soldal, årsmøtet og yngste alle velkomne. Før årsmøtet fortalde kvar enkelt kva dei heitte og kva lokallag dei var utsending frå. 1. varalem til styret i Hordaland sogelag, Mikal Heldal, vart vald til ordstyrar og skrivar i styret, Ågot Gammersvik, fekk jobben med å referera frå årsmøtet. Til å skriva under møtereferatet valde me Eli Bjørklid frå Nord og Midthordland sogelag og Egil Vaage frå Kvinnherad sogelag.

Referat frå årsmøtet er å finna i eige skriv.



Etter årsmøtet var det utsjekking og avreise til «Mor si grav» ved Oppheim kyrkje. På den gamle gravplassen der Susanna Sivle vart gravlagt er det eit minnemonument. Ved hovudvegen er det eit skilt som viser veg. Trygve Dugstad gav ei orientering om staden, livet hennar og reisinga av monumentet.

På Vossestrand hotell fekk me ein svært god lunsj, etterfulgt av fotografering av deltakarane. Deretter gjekk turen til minnebautaen for spelemannen og komponisten Sjur Helgeland på garden Helgeland. Her fikk vi høyre to av «Brita-Lars-Sjur» sine verk fremført på ei av felene til spelemannen. Den mest kjente var «Budeiene på Vikafjell» som Margunn Blikberg Nordgård spela for oss. Ole Kristian Åmot fortalde om livet til Sjur og om kjærleiken hans til fjelltoppane i nærmiljøet.

Før heimreisa var det samling på garden Helgeland like ved bautaen der Ole Kristian fortalde meir om Sjur Helgeland.

Som oppsummering må det seiast at dei to dagene var svært vellukka og innhaldsrike. Sola varma frå skyfri himmel og maten stod til terningskast 6. Vossestrand sogelag og Stalheim hotell ved styreleiar Jorunn og hotellsjef Trygve fortenar stor heider for eit svært godt og innholdsrikt arrangement!

Gode LOKALLAG i regionslaget Hordaland sogelag!

Lagt ut av

Takk for trufast medlemskap, eit medlemskap eg vonar du vil ha nytte av! Ekstra takk til dei
som tok turen til Stalheim i høve Lokalhistoriske dagar og årsmøtet i regi av regionslaget.
Nokre fleire lokallag var representerte i år enn før. Neste år vonar eg fleire vert med!

Tida er inne for å betala medlemspengar, kr 10 per medlem med minumum sum kr 500 og
maksimalt kr 5000.

Ver gild og betal til brukskontoen vår 36325722899, innan 30. juli 2024.

Kvittering kjem på kontoutskriftet til den enkelte. Det vert ikkje sendt eigen faktura då det
er fordyrande. Send meg også informasjon om antal medlemer, gjerne som melding ved
betaling. Du skal berre betala medlemspengar for betalande medlemer. Har det vore
endringar i styreverv er det viktig å gje melding om dette.

Ver du helsa frå Hordaland sogelag v/styreleiar Anne Liv Soldal

Referat frå styremøte 3- 2024

Lagt ut av

Tid: 12. mai kl. 11-12
Stad: Stalheim Hotell

Til stades: Anne Liv Soldal, Sigmund Simmenes, Kjell Alvheim og Ågot Gammersvik
Forfall: Knut Farestveit

Sakliste:

1. Konstituering av nytt styre

Styreleiar: Anne Liv Soldal
Nestleiar: Sigmund Simmenes
Referent: Ågot Gammersvik
Styremedlem: Knut Farestveit
Styremedlem: Kjell Ingar Alvheim
Varamedlem: Nils Arne Ekerhovd
Varamedlem: Gunnar Strand

Vedtak: Forslag vedtatt som framlagt ved styreleiar.

2. Evaluering av årsmøtet

  • Dette årsmøtet kunne vore betre strukturert og betre førebudd.
  • Det kom gode tilbakemeldingar på innleiande runde med presentasjon av alle delegatane og kva lokallag dei representerte.
  • Delegatane var også nøgde med val av stad og innhald i dei lokalhistoriske dagar på Vossestrand.
  • Forbetringspotensiale når det gjeld:
    • Årsmelding kan gjerast fyldigare og med foto
    • Handlingsplan må settast opp tydelegare og gjerne med meir informasjon
    • Framlegg til val kan settast opp meir oversiktleg
    • Det må gjerast tydeleg i handlingsplanen kva som er kurs og kva som er studietur.

Vedtak: Styret følgjer opp med forbetring av førebuing av årsmøte 2025.
Sigmund lagar framlegg til årsmelding, og Ågot lagar framlegg til oppsett for
handlingsplan med foto.

3) Eventuelt

Reiserekning og utlegg må sendast Anne Liv snarast.

Årsmøte og lokalhistoriske dager på Stalheim

Lagt ut av

Dato: 11 og 12 mai
Sted: Stalheim hotell
Utskriftsvennlig versjon av invitasjonen

Vossestrand sogelag betalar for heile kulturprogrammet båe dagar.

Dei betalar og for lunsjen på Vossestrand hotell sundagen.
Utsendingane betalar berre for maten på Stalheim hotell laurdagen.
Påmeldingsfrist til annelivsol@gmail.com, telefon 90941272, vert sett til 28. april 2024

Følgjande prisar gjeld:
Enkeltrom m/frukost: 1300 kr
Dobbeltrom m/frukost: 1900 kr
3-rettars middag: 400 kr
Lunsj laurdag: 250 kr

Tidlegare har deltakarane betalt inn til Hordaland sogelag ved påmelding og så har vi
betalt samla for kulturprogrammet m.m. Trygve Dugstad på Stalheim gjer opphaldet
rimeleg for oss.

Utsendingane tingar rom direkte på hotellet, telefon 56520122. @-post
trygve@stalheim.com.

Lokallaga betalar direkte til hotellet/hotella etter oppgjevne prisar.

PROGRAM:

Laurdag 11. mai
Kl. 12.00: Frammøte med innsjekking og lunsj på Stalheim hotell. Velkomsthelsingar.
Kl. 13.00: Omvising på Stalheim museum v/Trygve Dugstad.
Dei som vil, kan gå ned til minnesteinen for Per Sivle øvst i Stalheimskleivi.
Kl. 16.00: Trygve Dugstad fortel om kunstverka på Stalheim hotell og anna om hotellet si soge.
Kl. 17.30: Musikkinnslag og verbale innslag m.a. om Per Sivle v/Gudmund Furu m/fl.
Kl. 19.00: Festmiddag på hotellet. Kulturelle innslag.

Sundag 12 mai
Kl. 09.00: Frukost
Kl. 10.30: Årsmøte på hotellet
Kl. 12.00: Etter utsjekking køyrer me til Oppheim kyrkjegard der me vitjar «Mor si grav».
Kl. 13.30: Frammøte ved minnesteinen for spelemannen Sjur Helgeland i Myrkdalen.
Kl. 14.00: Lunsj på eit hotell i Myrkdalen. Folkemusikk v/lokale musikarar.
Kl. 16.00 Heimreis.

Ver velkomen til ei minneverdig helg!
For Hordaland sogelag
Anne Liv

HORDALAND SOGELAG ÅRSMELDING FOR ARBEIDSÅRET (ÅRSMØTET 2023 TILÅRSMØTET 2024)

Lagt ut av

Me har hatt 4 styremøte, det første på Askøy like etter årsmøtet for 2023. Der
fordelte me rollar internt i styret. Leiar, Anne Liv Soldal, var attvald for 1 år på årsmøtet. Elles held alle fram i rollane sine; Knut som nestleiar, John Ernst som kasserar, Ågot som skrivar og Sigmund som styrelem. Mikal Heldal fekk attval som 1. vara og han er trufast med på styremøta våre. Han har også vore representanten vår på møta haust og vår i regi av Landslaget for lokalhistorie. Kjell Ingar Alvheim har halde fram som 2. varalem til styret. Me planla kurs, studietur og komande styremøte.

Det andre styremøte, 24. august, kombinerte me med kurs der Hedvig Ølmheim stod for regien (15 møtte) på Vestlandshuset i Bergen. Diverre vart kasseraren vår alvorleg sjuk like etter årsmøtet. 24. august formaliserte me ei ny rollefordeling internt i styret der Knut vart kasserar, Sigmund lestleiar og tidlegare kasserar vart styrelem.

Komande årsmøte og lokalhistoriske dagar var lagt til Vossestrand sogelag så me fekk eit styremøte der 22. september før vintersesong og «dvaletid» for Stalheim hotell. 20. februar fekk me rydda tid og plass for eit styremøte i Bergen.

Referat frå styremøta er å finna på heimesida til regionslaget. Om me skal ha fleire møte før
«dvaletida» er over er uvisst, men høve til kontakt internt i eit styre samansett av dugande og
pliktoppfyllande medarbeidarar er enkelt og alltid «på nett», «på tråden» ..i alle fall PÅ.

Hordaland sogelag ved styreleiar Anne Liv Soldal

Utskriftsversjon

Årsmelding 2022

Lagt ut av

HORDALAND SOGELAG

Årsmøte og lokalhistoriske dagar på Askøy 25. og 26 mars 2023

§5 Årsmøtet.
a.) Årsmøtet er øvste styringa for laget og bør haldast innan utgangen av april i samband med det lokalhistoriske møtet for Hordaland.
b) Kvart medlemslag har rett til 1 utsending når medlemstalet er under 100 medlemer, 2 utsendingar når medlemstalet er mellom 100 og 200 medlemer osv. Alt rekna etter medlemstal frå førre år. Ikkje noko lag har rett til fleire enn 5 utsendingar. Kvar utsending har ei røyst.
c) Skriftleg innkalling til årsmøtet skal sendast medlemslaga seinast 3 veker før årsmøtet. Saker som medlemslaga vil ha handsama på årsmøtet, må vera innkomne til styret innan 1.mars.
d) På årsmøtet skal handsamast:

  • Årsmelding.
  • Revidert rekneskap.
  • Innkomne framlegg.
  • Fastsetjing av medlemspengar.
  • Handlingsplan
  • Budsjett
  • Val

Lokalhistoriske dagar på Askøy ved Askøy historielag

Laurdag 25, mars
Kl. 12.00 Herdla museum, Herdla
Mottaking og servering av lunsj
Kl. 13.00 Orientering om Herdla museum
Omvising i museet og torpedobatteriet, krigsminne frå 2. verdskrig og dagens bruk
Vandring i fritidsparken med fuglereservat
Kl. 17.00 Innsjekking «Biologen», Herdla
Kl. 19.00 Middag på «Biologen»

Søndag 26,mars
Kl.09.15 Årsmøte Hordaland sogelag

Utsjekk «Biologen»

Kl.11.00 Avreise Herdla

Kl.11.30 Besøk Bergen Kringkaster, samling i Grensedalen, Erdal

Kl.13.00 Lunsj på Sjoddien i Strusshamn

Omvising samlingane i Sjoddien og verna miljø i Strusshamn

Kl.16.00 Kaffepause og avslutning

ÅRSMELDING FOR ARBEIDSÅRET FRÅ ÅRSMØTET 2022 TIL ÅRSMØTET 2023

Styret har hatt 4 styremøte:

Møte 1
Eidfjord like etter årsmøtet,27. mars på der vi fordelte rollar i det nye styret og gjekk gjennom handlingsplan og vedtekter.

Møte 2
På Bergenhus festningsmuseum 16. juni det vi gjekk grundig igjennom vedtektene og handlingsplan , oppfølging frå møtet i mars. Nestleiar Mikal Heldal refererte frå Regionsleiarsamlinga på Gardermoen 7. mai..

Møte 3
I Bergen i samband med fellesmøte og omvising med Laksevåg Kulturhistoriske forening på Laksevåg. Handlingsplanen og medlemslistene er oppdaterte (her var mykje feil) og nyansane  §§ i vedtektene må rettast i samsvar med noverande situasjon. Me er regionslag i Vestland fylke. Hordaland sogelag er ikkje fylkesdekkande , omfattar berre Hordaland, tidlegare Hordaland fylke.

§2 Medlemskap.
Regionale og lokale sogelag og tilsvarande organisasjonar innan Hordaland fylke kan vera medlemer i laget. Dersom det er tvil om ein organisasjon kan verta medlem, avgjer årsmøtet spørsmålet.

§3 Organisasjon.
Hordaland sogelag er ein fylkesdekkjande organisasjon som gjerne samarbeider med andre lag og organisasjonar med same føremål, men har som hovudoppgåve å styrkja samarbeidet mellom medlemslaga og skal representera dei i saker av sams interesse.

§4 Verksemd.
Hordaland sogelag kan ta på seg oppgåver som best kan løysast på fylkesnivå, slik som kurs, seminar, kjeldepublikasjonar m.m. Saman med eitt eller fleire av medlemslaga står laget som tilskipar av det årlege ”Lokalhistorisk møte for Hordaland”.

Framlegg til oppdatering

§2 Medlemskap.
Regionale og lokale sogelag og tilsvarande organisasjonar innan tidlegare Hordaland fylke kan vera medlemer i laget. Dersom det er tvil om ein organisasjon kan verta medlem, avgjer årsmøtet spørsmålet.

§3 Organisasjon.
Hordaland sogelag er eit regionslag i Vestland fylke som gjerne samarbeider med andre lag og organisasjonar med same føremål, men har som hovudoppgåve å styrkja samarbeidet mellom medlemslaga og skal representera dei i saker av sams interesse.

§4 Verksemd.
Hordaland sogelag kan ta på seg oppgåver som best kan løysast på regionsnivå, slik som kurs, seminar, kjeldepublikasjonar m.m. Saman med eitt eller fleire av medlemslaga står laget som tilskipar av det årlege ”Lokalhistorisk møte for Hordaland”.

Møte 4
18. januar 2023 i Strusshamn på Askøy i samband med planlegging av årsmøte og lokalhistoriske dagar i regi av Askøy historielag.

Vedtekter for Hordaland sogelag

Lagt ut av

Vedtekne på skipingsmøte 16.11.1986, sist endra 15.03.2015:

§1. Føremål.
Hordaland sogelag har som føremål å fremja interesse for, og auka kjennskap til lokalhistorie og kulturvern i Hordaland.

§2 Medlemskap.
Regionale og lokale sogelag og tilsvarande organisasjonar innan Hordaland fylke kan vera medlemer i laget. Dersom det er tvil om ein organisasjon kan verta medlem, avgjer årsmøtet spørsmålet.

§3 Organisasjon.
Hordaland sogelag er ein fylkesdekkjande organisasjon som gjerne samarbeider med andre lag og organisasjonar med same føremål, men har som hovudoppgåve å styrkja samarbeidet mellom medlemslaga og skal representera dei i saker av sams interesse.

§4 Verksemd.
Hordaland sogelag kan ta på seg oppgåver som best kan løysast på fylkesnivå, slik som kurs, seminar, kjeldepublikasjonar m.m. Saman med eitt eller fleire av medlemslaga står laget som tilskipar av det årlege ”Lokalhistorisk møte for Hordaland”.

§5 Årsmøtet.
a.) Årsmøtet er øvste styringa for laget og bør haldast innan utgangen av april i samband med det lokalhistoriske møtet for Hordaland.
b) Kvart medlemslag har rett til 1 utsending når medlemstalet er under 100 medlemer, 2 utsendingar når medlemstalet er mellom 100 og 200 medlemer osv. Alt rekna etter medlemstal frå førre år. Ikkje noko lag har rett til fleire enn 5 utsendingar. Kvar utsending har ei røyst.
c) Skriftleg innkalling til årsmøtet skal sendast medlemslaga seinast 3 veker før årsmøtet. Saker som medlemslaga vil ha handsama på årsmøtet, må vera innkomne til styret innan 1.mars.
d) På årsmøtet skal handsamast:

  • Årsmelding.
  • Revidert rekneskap.
  • Innkomne framlegg.
  • Fastsetjing av medlemspengar.
  • Handlingsplan
  • Budsjett
  • Val

e) Alle val skal vera skriftlege dersom det er fleire framlegg, eller dersom ein eller fleire utsendingar krev det.
f) Styret er samansett av 5 medlemer: Leiar, nestleiar, skrivar, kasserar og styremedlem. Til styret er det 2 varamedlemer, 1. og 2.
g) Årsmøtet vel leiar for 1 år. Dei andre medlemene i styret vert valde for 2 år om gongen, men slik at 2 av dei er på val kvart år. Varamedlemene vert valde for 1 år om gongen. Leiaren vert vald særskilt, elles konstituerer styret seg sjølv.
h) Årsmøtet vel 2 revisorar, dei skal veljast for 2 år, slik at ein revisor er på val kvart år. Årsmøtet vel og ei valnemnd på 3 medlemer for 3 år. 1 er på val kvart år. Den som har sete lengst i valnemnda er leiar. Framlegg til ny medlem i valnemnda skal koma frå årsmøtet.

i)Årsmøtet vel utsendingar til landsmøtet i Landslaget for lokalhistorie. Årsmøtet fastset eventuell økonomisk kompensasjon for utsendingane.

§6 Styret.
a) Styret vert kalla saman av leiaren. Styret er vedtaksført når minst 3 styremedlemer møter. Ved likt stemmetal har leiar dobbeltstemme.
b) Det skal skrivast referat etter kvart møte. Varamedlemer skal ha tilsendt sakspapir og referat.
c) Styret kan peika ut nemnder til å ta seg av særlege arbeidsoppgåver.
d) Rekneskapen skal førast for kvart kalenderår og leggjast fram for årsmøtet.
e) I rimeleg tid før årsmøtet varslar styret leiar i valnemnda om samansetjing av styre og utval og om kven som står på val.
f) Styret skal gjennomføra dei oppgåver/saker som årsmøtet gjer vedtak om.

§7. Omframt årsmøte.
a) Omframt årsmøte kan kallast inn når minst 3 styremedlemer eller minst 5 medlemslag krev det. Desse krava må vera skriftlege og nemna den eller dei sakene som ein ynskjer å handsama. Kravet må stillast til styret og vera underteikna av dei som kjem med kravet.
b) Omframt årsmøte kan berre handsama den eller dei sakene som vedkjem kravet om eit slikt møte og som er gjort kjent ved innkallinga.
c) Til omframt årsmøte vert det innkalla som til vanleg årsmøte.

§8 Lovendring
Lovendringar kan verta vedtekne på årsmøtet med minst 2/3 fleirtal. Framlegg om lovendringar må vera komne til styret innan utgangen av desember.

§9 Nedlegging
Nedlegging av laget kan verta gjort når 2 etterfølgjande årsmøte har vedteke det med minst 2/3 fleirtal. Ved nedlegging av laget skal laget sine eigneluter tilfalle fylkeskommunen, øyremerkje til kulturvernarbeid.

Handlingsplan 2019 – 2023

Lagt ut av

Handlingsplan for Hordaland sogelag 2019 – 2023
 

  1. 4 – 5 styremøte for året

  2. Årsmøte og lokalhistoriske dagar i mars/april

  3. 2 kursdagar i året for medlemene i lokallaga

  4. Ein studietur for medlemene kvart år

  5. Utsendingar til landsmøtet som er annakvart å; neste gong i 2023.

  6. Senda helsingsbrev til lokallaga på heimesida før jul.

  7. Nettmøte for styret når det høver.

  8. Ha god kontakt med landslaget

  9. Arbeida aktivt for å få fleire lokallag til å melda seg inn i fylkeslaget