Kurs med Ottar Grepstad i regi av Hordaland sogelag
om redigering av årbøker og årboksartiklar
Grand Hotel Terminus, Bergen, søndag 26. oktober 2025 kl. 11.00–16.45
Innhald
Redaksjons- og skrivekurs for medlemmer i lokallag i Hordaland sogelag. Kurshaldaren og deltakarane deler røynsler og diskuterer handfaste problemstillingar. Ta gjerne med bøker, eksempel og problem for kommentarar og råd!
Deltakarane får tilsendt tre tekstar på førehand, og det blir venta at alle er lesne før kursdagen.
Alle får med seg heim frå kurset eit par dokument til bruk i vidare arbeid med årbøker og manuskript.
Kurshaldar
Ottar Grepstad (fødd 1953) frå Jølster og busett i Volda er forfattar, språk- og litteraturvitar. Frå debuten i 1974 har han skrive eller redigert over 70 bøker om historie og politikk, retorikk og skriftkultur. Han har publisert bort imot 3000 tekstar i form av foredrag på arrangement og artiklar i aviser, blad, tidsskrift, årbøker og bøker.
Han var forlagsredaktør, redaksjonssjef og assisterande forlagssjef i Samlaget 1980–94, redaktør i Syn og Segn 1984–88 og hovudredaktør i Allkunne 2007–14. Han bygde opp Nynorsk kultursentrum og har vore styreleiar i Språkrådet og rådsmedlem i Kulturrådet. Grepstad har halde ei rekkje kurs i redaksjonelt arbeid i Den norske Forleggerforening.
I 1999 fekk Ottar Grepstad Norsk språkpris for framifrå sakprosa frå Norsk språkråd for Det litterære skattkammer, og i 2018 blei han utnemnd til riddar 1. klasse av St. Olavs orden for sin innsats for å fremje nynorsk språk, litteratur og skriftkultur.
Kursmateriell blir sendt ut
Jørgen Haave: «Bløffen om Ibsens kjøkken», i Ottar Grepstad (red.): Forfattarens skriftstader, Oslo 2018, s. 74–121
To uredigerte, anonyme manuskript til årbøker
Påmelding:
Påmelding til Hordaland sogelag innan 20. september
Anne Liv Soldal: annelivsol@gmail.com
Spørsmål kontakt: Anne Liv Soldal på e-post eller tel: 909 41 272
Eller Ågot Gammersvik: aagot.gammersvik@gmail.com og tel.: 917 75 735
Program
10.30–11.00: Kaffi, te & snask
11.00–11.15: Introduksjon
Presentasjon
Mål for kurset
Føresetnader for drøftingane og samtalane våre
Frivillig kulturarbeid i tidsklemma
Kva vil du gjerne få belyst?
11.15–12.00 Kva skil gode årbøker frå dårlege?
Dei tre viktige innslaga i ei årbok
Variasjon i sjanger
Overrasking, originalstoff, fagleg presist, godt skrive
Samansetjing og oppbygging
Redaksjonelle og grafiske malar
Opphavsrett – lovverk, internett, illustrasjonar
Kontakt med forfattarane
12.00–13.00 Den gode årbokartikkelen
Respekt for lesaren og forfattaren
Eit innkome manus er i prinsippet ein god tekst som kan forbetrast
Komposisjon: flytte, stryke, leggje til, byte om
Dei to viktigaste setningane i alle manus
Litterær kvalitet med rytmeskift
Manusredigering
Opphavsrett tekst og bilete
Kunsten å halde orden på kjelder: plagiat, sitat og parafrase
Klargjering av manus og bilete
Språkvask og korrektur
13.00–13.50 Lunsj
14.00–14.45 Gruppearbeid om utsende tekstar
Vurder artikkelen av Jørgen Haave
Drøft kva de vil endre i dei to manuskripta
Grunngi konklusjonane
14.45–15.30 Felles drøfting
15.30–15.45 Kaffi, te & snask
15.45–16.15 Oppsummering
Ti tommelfingerreglar for gode årbøker
Mal for informasjon til forfattarar
16.15–16.30 Kurskritikk og avslutning
16.45 Vel heim